> >>ლიტერატურა და წიგნები

ლიტერატურა და წიგნები სულ 72 ჩანაწერი

per page
ნაჩვენები 64 - 72 სულ 72

  • • სემუელ ბეკეტი ქართულ ენაზე. • ბიოგრაფია: წითელი პარასკევიდან – შობამდე. • ბეკეტი და ჯოისი – ირლანდია, პარიზი, დანტე, სიტყვები. • ბეკეტის გატაცებები: ლიტერატურა, სასმელი, მუსიკა, კინო, მხატვრობა, სპორტი. რაგბისტი ბეკეტი – შუამარბი, რომელიც მოგვიანებით რაგბის რეპორტაჟებს არ ტოვებდა, განსაკუთრებით ირლანდია – საფრანგეთის თამაშებს. • ავტობიოგრაფიული ტექსტი, რომელიც არ ასახავს ავტორის პირად გამოცდილებას. ავტობიოგრაფიულობა, რომელიც არასდროს ამოდის ზედაპირზე, როგორც პირადი ცხოვრება. • ბეკეტის ტრილოგია: მოლოი, მელოუნი კვდება, უსახელო. სხეულიდან –გაქრობამდე. • გოდოს მოლოდინში, ბედნიერი დღეები და სხვ. – თანაცხოვრება კვანძის გახსნის გარეშე. • ბეკეტი და საზოგადოების თვალი. • სემი მარტოა ქვეყანაზე. ლექციების ორგანიზატორები არიან „დიოგენე“ და „არტარეა“. მხარდამჭერი თბილისის კულტურული ღონისძიებების ცენტრი.

    სრულად

  • „სუფიზმი ანუ ისლამური მისტიციზმი ყველა განშტოების ისლამში ფართოდ გავრცელებული მოვლენაა. აღიარებს აგნოსტიკური შემეცნების გზით ღმერთთან ზიარების, ღმერთში განზავების შესაძლებლობას. უკვე მერვე საუკუნის დასაწყისიდან ვხვდებით სხვადასხვა სუფიურ სექტას, რომელთაც, ცალკეული თეოლოგიური განსხვავებების მიუხედავად, აერთიანებთ ერთიანი დოქტრინა სამყაროს, როგორც ღვთის საკრალური ემანაციის, შესახებ. სუფიების აზრით, მთელი სამყარო და ამ სამყაროში არსებული ყოველი საგანი სამყაროს შემოქმედის მატერიალური ემანაციაა, ამიტომაც ყველაფერი ღვთისაკენ ისწრაფის და საბოლოოდ იმ წერტილსვე უბრუნდება, საიდანაც თავის დროზე დროით მოცემულობაში გამობრწყინდა. სუფიზმის დამახასიათებელი ნიშანი თავიდანვე იყო უკიდურესი ასკეტიზმი, რაც საკრალური საიდუმლის თაობაზე დუმილის აღთქმასაც გულისხმობდა. სუფიები ამბობდნენ, რომ მათი მოძღვრება ,,ჰალი" იყო და არა ,,ყალი", ანუ ეს იყო მდგომარეობა, რომელიც უნდა გეგრძნო და არა - ვითარება, რომელიც სიტყვებით უნდა გადმოგეცა. ამის მიუხედავად, თითქმის ადრეული შუა საუკუნეებიდანვე არავის იმდენი არ უსაუბრია სუფიზმის, სუფიური პრინციპების შესახებ, რამდენიც თვითონ ამ მოძღვრების მიმდევრებს. მათ შორის იყვნენ სიტყვის გამოჩენილი ოსტატები, რომელთა ნაწერები დღეს მსოფლოო ლიტერატურის საგანძურად მიიჩნევა“

    სრულად

  • ციკლიდან "ლექციები ლიტერატურაზე" - ლევან გიგინეიშვილის ლექცია „პატრიარქის შემოდგომა და ძალაუფლების ბედისწერა“ ლექციების ორგანიზატორები არიან „დიოგენე“ და „არტარეა“. მხარდამჭერი თბილისის კულტურული ღონისძიებების ცენტრი.

    სრულად

  • ლექციის თემა: ჰენრი მილერის „კირჩხიბის ტროპიკი“ ლიტერატურული გავლენები რატომ იკრძალებოდა და იკრძალება ლიტერატურული ნაწარმოებები პარიზი - ხელოვანების თავშესაფარი ლექცია რიგით მეშვიდეა ლიტერატურული შეხვედრების ციკლიდან. ლექციების ორგანიზატორები არიან „დიოგენე“ და „არტარეა“, მხარდამჭერი კი თბილისის კულტურული ღონისძიებების ცენტრი.

    სრულად

  • ირმა ტაველიძე - მწერალი, მთარგმნელი. ნათარგმნი აქვს მიშელ უელბეკის წიგნები: "პლატფორმა", "სიცოცხლის გაგრძელება და სხვა ტექსტები", ასევე - ქეთი ქანთარიასთან ერთად - პოლ ოსტერისა და ჯონ მაქსველ კუტზეეს "აქ და ახლა"; არის ავტორი მოთხრობების კრებულებისა: "ავტობიოგრაფია ფრანგულად" და "აღმოსავლეთის გამოგონება". ლექციის თემა: ფრანკოფილის ვნებანი: ჯულიან ბარნსის „ფლობერის თუთიყუში“ • მეტაფიქციური ნარატივი. სიცხადე და მისტიფიკაცია - მხატვრული და დოკუმენტური პროზის ზღვარზე. წიგნის სტრუქტურა. • გუსტავ ფლობერი, როგორც რომანის ცენტრალური ფიგურა. სამი ნარატივი და ნარატორი, რომელიც ავტორის ალტერ ეგოს არ წარმოადგენს. პერსონაჟების მოგზაურობა: „მადამ ბოვარის“ პერსონაჟები ჯულიან ბარნსის წიგნში. • ავტორის ცხოვრება და ბიოგრაფების ინტერპრეტაცია. ლიტერატურული კრიტიკის თემა. ისტორიული სიმართლის ძიებისას განცდილი მარცხი. • ობსესია ლიტერატურულ ტექსტში. ლიტერატურით შეპყრობილთა თავშექცევა. ფრანკოფილი მწერლის მოგზაურობა დროსა და სივრცეში. • თუთიყუშის გამოცანა. ლექცია რიგით მეოთხეა ლიტერატურული შეხვედრების ციკლიდან. ლექციების ორგანიზატორები არიან „დიოგენე“ და „არტარეა“, მხარდამჭერი კი თბილისის კულტურული ღონისძიებების ცენტრი.

    სრულად

  • ლექციაზე განიხილება მხატვრული ლიტერატურის განვითარება რეჟიმის დროს. 1. როგორ მიმდინარეობს შემოქმედებითი პროცესი. 2. ავტორების ბედი 3. ნაწარმოებების ბედი 4. რეჟიმის პერიოდის ნაწარმოების გმირები 5. რატომ იქმნება კარგი ლიტერატურა განსაკუთრებით მძიმე რეჟიმებისა და კატაკლიზმების დროს. ლექცია რიგით მეხუთეა ლიტერატურული შეხვედრების ციკლიდან. ლექციების ორგანიზატორები არიან „დიოგენე“ და „არტარეა“, მხარდამჭერი კი თბილისის კულტურული ღონისძიებების ცენტრი.

    სრულად

  • თემურ კობახიძე (პროფესორი) დაიბადა 1956 წელს. იგი 1975 წლიდან მუშაობს ივ.ჯავახიშვილის სახელობის სახელმწიფო უნივესიტეტში, სხვადასხვა პოზიციებზე. მისი ლექცია ეხება 1920-იანი წლების პარიზის ცნობილ წიგნის მაღაზიას ”შექსპირი და კომპანია” ("shakespeare and company"), მის უნიკალურ სალიტერატურო წარსულს და XX საუკუნის ევროატლანტიკურ კულტურულ სივრცეში მის მდიდარ ტრადიციათა გაგრძელებას. საუბარი აგრეთვე ეხება ზოგადად ევროპისა და ამერიკის ცნობილ წიგნის მაღაზიებს, წიგნებით ვაჭრობის მაღალ კულტურას და იმ ცნობილ პიროვნებებს, ვინც ამ ბიზნესით იყვნენ დაკავებულნი და ამ გზით შეჰქონდათ წვლილი ევროპისა და ამერიკის თანამედროვე კულტურული გარემოს ჩამოყალიბებაში. ლექცია რიგით მესამეა ლიტერატურული შეხვედრების ციკლიდან. ლექციების ორგანიზატორები არიან „დიოგენე“, „არტარეა“ და თბილისის კულტურული ღონისძიებების ცენტრი.

    სრულად

  • მერაბ ღაღანიძე დაიბადა 1961 წლის 12 იანვარს, თბილისში; ფილოლოგი, რელიგიის ისტორიკოსი, თეოლოგი; ფილოლოგიისა და ფილოსოფიის დოქტორი, პროფესორი; ასწავლიდა საქართველოსა და ევროპის სხვადასხვა უნივერსიტეტებში; ამჟამად მუშაობს თავისუფალ უნივერსიტეტში; გამოქვეყნებული აქვს სამეცნიერო და ესეისტური ნარკვევები ლიტერატურის, კულტურის, რელიგიის შესახებ; არის ას ორმოცდაათზე მეტი პუბლიკაციის, მათ შორის ექვსი წიგნის ავტორი. ლექცია რიგით მეორეა ლიტერატურული შეხვედრების ციკლიდან. ლექციების ორგანიზატორები არიან „დიოგენე“, „არტარეა“ და თბილისის მერიის კულტურული ღონისძიებების ცენტრი.

    სრულად

  • ასტრიდ ლინდგრენი ქართველი მკითხველისთვის კარგად ნაცნობი და საყვარელი მწერალია. მის წიგნებზე არანაკლებ საინტერესოა მწერლის ცხოვრება. ლინდგრენის ცხოვრებასა და შემოქმედებაზე საუბრობს დავით გაბუნია - დრამატურგი და მთარგმნელი. ეს გახლავთ პირველი ლექცია ლიტერატურული შეხვედრების ციკლიდან „ლექციები ლიტერატურაზე“. პროექტის ორგანიზატორები არიან „დიოგენე“, „არტარეა“ და თბილისის მერიის კულტურული ღონისძიებების ცენტრი.

    სრულად
ნაჩვენები 64 - 72 სულ 72